ต่อไป →

[เสกสรร วรรณศิลป์]

 ·

บุญ - คำว่าบุญ ๆ นี้..................องค์มุนีเพิ่นสอนกล่าว ให้แก่ชาวพี่น้อง...............ครองฮู้ได้แต่งตาม - หวังอยากให้เฮานี้.............ข้ามถึงพระนิพพาน มีให้ทานรักษาศีล.............ฮีตตรองครองแก้ว - ให้มีแวววงไว้ ...................กระทำไปให้ถูกช่อง เดินตามครองพระเจ้า........องค์เหง้าหน่อพุทโธ - ไสไปตามธรรมพุ้น............ให้ทำบุญตกแต่ง แปลงวิมานชั้นฟ้า.............คราวหน้าบาดห่าตาย - เพราะว่าบุญบาปฮ้าย........ไผบ่ส่องเห็นโต เพราะโมโหอวิชชา............มาปิดเร้นบ่เห็นแจ้ง - เพิ่นแสดงสอนไว้...............เป็นแค่อุปมัย   มันบ่ทันเห็นฮอมแจ้ง.........ว่าบุญนั้นอยู่ไส - ความข้อนี้เพิ่นได้ชี้บอกไว้....ได้แก่กุศลมูล ให้เพิ่มพูนทำทาน...............หว่านผลทำไว้ - และทำใจเฮาให้ ................บริสุทธิ์จากกิเลส เหตุถึงสุขบ่อนบั้น ..............คำนั้นแม่นบุญท่านเอ๋ย -                   เสกสรร วรรณศิลป์ .

ภาพประกอบจาก https://kalyanamitra.org/th/
.